முக்கிய தினங்கள்

உலக ஹோமியோபதி தினம் – ஏப்ரல் 10

April 12 , 2020 1691 days 496 0

இது ஹோமியோபதியின் நிறுவனரான டாக்டர் ஹாகினிமான் அவர்களின் பிறந்த தினத்தைக் கொண்டாடுவதற்காக அனுசரிக்கப் படுகின்றது.
டாக்டர் கிறிஸ்டியன் பெரிட்ரிக் சாமுவெல் ஹாகினிமான் என்பவர் ஜெர்மனியைச் சேர்ந்த மருத்துவர் ஆவார்.
இவர் ஹோமியோபதியின் கண்டுபிடிப்பிற்காக சிறப்பாக அறியப் படுகின்றார்.
இந்த ஆண்டின் இத்தினத்திற்கான கருத்துரு, “கல்வி மற்றும் மருத்துவ நடைமுறையுடன் ஆராய்ச்சியை இணைத்தல் : மேம்படுத்தப்பட்ட அறிவியல் கூட்டிணைவுகள்” என்பதாகும்.
உலக ஹோமியோபதி விழிப்புணர்வு வாரமானது ஒவ்வொரு ஆண்டும் ஏப்ரல் 10 மற்றும் ஏப்ரல் 16 ஆகியவற்றுக்கு இடைப்பட்ட காலகட்டத்தில் அனுசரிக்கப் படுகின்றது.
ஹோமியோபதி என்பது இந்தியாவில் மிகவும் புகழ்பெற்ற மருத்துவ முறைகளில் ஒன்றாக விளங்குகின்றது.
இது ஒரு மாற்று மருத்துவ வடிவமாக விளங்குகின்றது.
இது மனித உடல் தானே நோய் குணமாதலை ஊக்குவிக்கும் கொள்கையின் அடிப்படையில் செயல்படும் ஒரு மருத்துவ முறையாகும்.
ஆயுஷ் ஆனது ஆயுர் வேதம், யோகா மற்றும் இயற்கை மருத்துவம், யுனானி, சித்தா மற்றும் ஹோமியோபதி ஆகியவற்றின் மருத்துவ சேவைகளைக் கொண்டு உள்ளது.
ஹோமியோபதியில் மிகப்பெரிய மருந்து உற்பத்தியாளர் மற்றும் வர்த்தகர்களைக் கொண்ட நாடாக இந்தியா விளங்குகின்றது.
ஆயுஷ் அமைச்சகத்தால் தேர்ந்தெடுக்கப்பட்ட இந்த ஆண்டிற்கான அதிகாரப்பூர்வக் கருத்துரு, “பொதுச் சுகாதாரத்தில் ஹோமியோபதியின் நிலையை மேம்படுத்துதல்” என்பதாகும்.